BUNG I-NA: CHHIATNI / THATNI

SECTION ‘A’:

CHHIATNI

1.	Unit TKP member thi an awmin, ralna hun hman thin tur a ni. Ralna hun hman dan tur chu Unit TKP Executive Committee-in a ruahman thin ang.
2.	Unit TKP Senior Adviser thi an awmin member pangngai thi ralna anga kalpui tur a ni.
3.	Unit TKP member thi ralna atan mitthi chhungte hnenah Rs.5,000 leh tuarpuina thuziak (Citation) pek tur a ni a, Unit TKP Miscellaneous head atanga pek tur a ni.
4.	Unit TKP member inral hian hmun dang (Serkawn pawn lam) a thi, Serkawn thlanmuala phum lohte chu a huam lovang. Amaherawhchu, Serkawn thlanmuala phum ni lo mahse, member thi puala thlan thutna emaw sunna inkhawm Serkawn khaw chhunga hman a nih chuan TKP hmingin ralna neih tur a ni.
5.	Tualchhung Kohhran member thi an awmin kuang chungah Unit TKP hmingin pangpar, Rs.1,000 man aia tam lo dah tur a ni. Tualchhung Kohhran member ni lo kan khawtlangah mitthi an awmin Tualchhung Kohhranin kuang chunga pangpar a dah chauhvin Unit TKP hmingin pangpar dah tur a ni. Kuang chunga pangpar dah hian Serkawn thlanmuala phum loh chu a huam lovang.
6.	Ramzotlang huam chhunga mitthi an awmin mitthi awm atanga Pathianni hmasa ber zing karah Unit TKP-in khawhar inah tawngtaina neih thin tur a ni. Executive leh Programme Committee member-te chu tel ngei tura beisei kan ni. Khawhar chhungte atanga remchan lohna a awm a nih loh chuan khawhar ina tawngtai hi kan Kohhran member chauh lovah pawh hman thin tur a ni.
7.	Unit TKP member tualchhunga thi, hmun danga ruang lak an awmin Unit TKP hmingin puan/pangpar Rs.1,000 man aia to lo dah thin tur a ni.
8.	Unit TKP Office Bearer, Executive leh Programme Committee member thi an awm chuan vuina inkhawmah Unit TKP hmingin thlahna programme/item neih tur a ni.
9.	Kan Kohhran huamchhungah chhiat tawk an awmin Pathianni hmasa berah chuan TKP fellowship neih loh tur a ni. Pathianni a fellowship thulh ngaia mitthi an awm chuan a Pathianni lehah fellowhsip thulh loh tur a ni.
10.	BCM Ramzotlang huam chhungah mitthi an awmin, ‘Thalai zan’ hun chhunga TKP inkhawm a tlak chuan inkhawm thulh tur a ni.
11.	TKP Ramzotlang Unit member thi an awmin, TKP inkhawm hmasa berah kan uizia lantirna thu Secretary thupuanah tarlan thin ni se.

SECTION ‘B’:

THATNI (INNEIH LAWMPUINA)

1.	Unit TKP member (Kan Kohhrana puan) Kohhran Dan Puitlinga nupui/pasal nei an awmin thilpek Rs.4,000 man hu pek tur a ni a, hei hian Bible emaw Hla bu emaw leh lawmpuina thuziak (Citation) a keng tel ang.
2.	Unit TKP member, Kohhran Dan Puitlinga nupui/pasal hmun danga nei, kan Biak Ina puan chu hun remchangah pek tur a ni.
3.	Inneih lawmpuina hi Executive emaw Programme Committee member zinga mi ngeiin a hlan tur a ni.
4.	Unit TKP member Kohhran Dan Puitlinga nupui/pasal nei, kan Kohhrana puan loh an awmin lawmpuina thuziak (Citation) pek tur a ni.

SECTION ‘C’:

CHHIATNI/THATNI FUND

1.	Chhiatni/Thatni inrelbawlna atan member tin hnenah ‘Chhiatni/Thatni Fund’ kum khatah vawi 2 (Kum tirah leh kum laihawlah) khawn thin a ni ang. Executive Committee-in a khawntu tur, khawn zat tur leh khawn dan tur a ngaihtuah thin ang. Fund hi hman zawh anih chuan Executive Committee-in tul a tih chuan Unit Miscellaneous head atanga hman thin tur a ni ang.
2.	Chhiatni/Thatni Fund hi khawn fel hunah Unit Finance Secretary-in a kawl tha ang a, a hman dan tur ang takin a hmang chhuak ang. Kuang chunga pangpar dahtu leh inneih lawmpuina thilpek hlantu tur hi a ruat fel thin ang.
3.	Chhiatni/Thatni Fund hi kum (Term) tawpah Unit account-ah lut lovin Finance Secretary-ten charge an inhlan rualin an inhlan chhawng ang a, Unit account-ah lut lovin a kal zel ang. Tin, kum tawpah BCM Ramzotlang Tualchhung Kohhran Auditors ten an audit ang.