BUNG III-NA: THIL DANGTE

SECTION ‘A’:

MISSIONARY CHAWIMAWINA

1.	Unit TKP member missionary-a kal tur an awmin chawimawina hun (Inkhawmin/Fellowship-in) hman thin tur a ni. Chawimawina hun hman dan tur chu Unit TKP Executive Committee-in a ruahman thin ang.
2.	Missionary chawimawi tih hian hengte hi a huam ang: a) BCM-in tirhchhuah inkhawm a hmanpui. b) Voluntary-a kum khat aia tlem lo kal tur. c) Para-Church-in a tirhte.
3.	Unit TKP member chawimawina hun hman hian Rs.5,000 leh chawimawina thuziak (Citation) pek tur a ni a, chawimawina thilpek leh inkhawmna senso chu Unit TKP General fund/Miscellaneous head atanga pek tur a ni.
4.	A chunga missionary chawimawina hmanga chawimawina lo dawng tawhte chu chhan dang vanga an kal nawn leh anih pawhin chawimawina thilpek pek nawn an ni tawh lovang. Missionary-a kal/chhuak nawn, inkhawmna neihpui leh neihpui loh chungchang chu missionary-a chhuak turte remchan dan angin Executive Committee-in a ngaihtuah thin ang.

SECTION ‘B’:

COLONY INRELBAWL DAN

1.	Unit TKP hi Colony pali (4) ah inthen ni se, Colony enkawltu atan Convener pakhat leh Assistant Convener pahnih theuh Colony tinah Unit TKP Executive Committee-in a ruat thin ang.
2.	Unit pumpui rualtlang taka a kal theihna tura Colony hmalaknate enpuia khalh ngil turin Colony tinah Office Bearer In charge Executive Committee-in a ruat thin ang.
3.	Colony Convener-te leh Asst. Convener-te hian anmahni Colony chhunga memberte thlarau leh tisa dinhmun an hriaiin, an mamawh angin hma an la thin tur a ni. An tihtur leh mawhphurhna dangte chu Executive Committee-in a hriattir thin ang.
4.	Colony-te hian Unit TKP Executive Committee remtihna baka activity leh hmalakna a neih a rem lovang.
5.	Colony Convener-te hi Executive Committee member an nihsa loh chuan Executive Committee member an ni ang.
6.	An sum tuakte kum thar atan balance an neih a rem lovang a, kum tawpah sum la kawl an nei anih chuan Unit-ah an thehlut thin tur a ni.

SECTION ‘C’:

SECRETARY, PROGRAMME COMMITTEE

1.	Secretary, Programme Committee atana ruat chu a nihna avangin Unit Executive Committee member a ni ang.
2.	Secretary, Programme Committee atana ruat chu a nihna avangin Documentation & Publicity Committee member a ni ang.

SECTION ‘D’:

CHARGE HLANNA

Sub-Committee hrang hrang Convener/Chairman-te leh Colony Convener-te hi kum tirah Unit Office Bearer-te kaihhruaiin charge hlanna neih thin tur a ni.

SECTION ‘E’:

MANUAL ENNAWN LEH SIAMTHAT CHUNGCHANG

Kan Unit inkaihhruaina dan (Manual) hi Unit TKP Executive Committee-in tul a tih hunah ennawnin, a siamtha thin ang.