APPENDIX

APPENDIX

1. TKP DAY: 

TKP hi July ni 30, 1951 ah din a ni a. Kum tinin TKP Day hi July 30-ah hman thin a ni a, Headquarters atanga Programme duan angin hman a ni thin. Vantlang tana hna tangkai thawh nan-te hman a ni thin. TKP Day-ah hian inkhawm neih thin a ni a, Tualchhung Kohhranah Biak In hman dil thin tur a ni. TKP Day ah hian thawhlawm neih thin a ni a, Unit tinin Bial kaltlangin Headquarters-ah theh luh tur a ni ang a, thawhlawm hmanna tur chu MTKP Executive Committee-in a ngaihtuah thin ang.

2. TKP RAMTHIM NI:

Kum 1955 District TKP Inkhawmpui hmasa ber atangin Ramthim lam pual rawngbawlna neih chakna a awm a. Hun lo kal zelah September ni 26 hi Ramthim Ni atan hman turin rel a lo ni ta a, kum tinin hman a ni thin a ni. Kum 2006-a S.Vanlaiphai-a MTKP Rorelna chuan TKP Ramthim Ni hi May ni 29 ah hman tawh thin nise tiin a passed a. Chu chu FOD Committee-ah thlen a ni a, FOD Committee chuan Central Committee-ah a thlen leh a. Central Committee chuan a pawm hnuah kum 2007 atangin Ramthim Ni hi May 29 hman a ni ta a ni.

TKP Ramthim Ni-ah hian inkhawm neih thin a ni a, Tualchhung Kohhranah Biak In hman dil thin tur a ni. Ramthim Ni-ah hian thawhlawm a awm thin a, Unit tinin Bial kaltlangin Headquarters-ah thehluh tur a ni a, thawhlawm hmanna chu MTKP Executive Committee in a ngaihtuah thin ang.

3. TKP FLAG: 

TKP chuan pawl chhinchhiah nan leh thiltih pawimawha tar turin Flag a nei a, hetiangin:

(1) A chung leh hnuai berah a pawldâng (sky blue) hman a ni a, hei hian Pathian hmangaihna a entir a ni.

(2) A laiah a var hman a ni a, hei hian Thianghlimna a entir a ni.

(3) A lai varah hian TKP Emblem a sen-in ziak tur a ni. 

(4) A len dan: Unit 3½ x 2½ fts, Bial 4 x 3 fts, MTKP 5 x 4 fts.

4. TKP Flag tar hun: 

(1) Inkhawmpui

(2) TKP Day

(3) TKP Ramthimni

(4) TKP ni pawimawh leh Programme pawimawhah te.

5. TKP EMBLEM:

TKP chuan Emblem a nei a, hetiangin:

    

6. TKP DESIGNATION PLATE: 

MTKP leh a hnuaia Bial leh Unit te chuan Designation Plate kan hman chuan a rawng leh len zawng (colour & size) inang vek se tih a ni a, hetiangin ruahmanna siam a ni:

(1) A dung sei zawng: 12 inches

(2) A vang hlai zawng: 7 ½   inches

(3) Colour – A vang lam hi hmun thumah thenin colour pek tur a ni a

A chung ber inches 2 ½ chu a pawl dang (sky blue) a ni ang a

A lai inches 2 ½ chu a var a ni ang a, TKP Emblem rawng sena ziak tur a ni

A hnuai ber inches 2 ½ chu a pawl (sky blue) a ni leh ang

A thu ziak dan tur:

(a) A chung ber rawng pawl-ah Designation (President, etc) a varin ziak tur

(b) A lai varah TKP Emblem a awm ang a, TKP Emblem chu rawng sen-a ziak tur a ni.

(c) A hnuai ber rawng pawlah MTKP/Bial/Unit hming a varin ziak tur a ni.

(d) TKP Designation plate hi framed a nih chuan a frame hlai zawng hi 1 inch (inchi khat) a ni tur a ni.

7. PATHIAN BIAK INKHAWM LEH FELLOWSHIP: 

BCM Assembly in a rel angin TKP chuan thla tin chawlhkar khatna leh chawlhkar thumna Thawhtan zan apiangin inkhawm a nei thin a ni. Hemi bakah Inkhawm, Fellowship leh programme dangte tha a tih angin a buatsaih thin ang.

8. MTKP INNEIH LAWMPUINA CERTIFICATE: MTKP chuan TKP Member dan puitlinga nupui pasal neite hnenah lawmpuina Certificate a pe thin a. Hei hi Unit tinin mahni unit chhungah innei an awmin ngaihven thin tur a ni. Certificate hi pek thuah te a awm lohna turin a hnuaia mi ang hian fimkhur taka pek thin nise :- 

(i) TKP member ve ve innei an nih chuan an inneihna kohhrana TKP unit chauhin MTKP Inneih lawmpuina certificate hi an pe ang.

(ii) Kan kohhran mi ve ve, TKP member leh TKP member ni lo an inneih chuan TKP member zawk hmingin certificate hi pek tur a ni.

(iii) TKP member-in kohhran dang member nupui pasala a neih pawhin TKP permanent member a nihna unit in MTKP Inneih lawmpuina certificate hi a pe ang. Inneih hmaa kohhran danga lutte chu pek an ni lovang.

(iv) TKP member, temporary member a nihna hmuna nupui pasal nei chu a lawina unit ten certificate hi an pe ang.

Heng baka ngaihtuah ngai a awm a nih chuan permanent member a nihna unit in a rel ang.