BUNG 7-NA

BUNG - 7

9. RORÊLNA: 

Sawifiahna: TKP Rawngbawlna leh thiltih tulte ngaihtuah turin Rorêlna chhâwng thum a awm ang a, chungte chu Unit TKP Rorêlna, Bial TKP Rorêlna leh Mizoram TKP Rorêlna te a ni ang. Mizoram Baptist Kohhran Constitution leh Rules-in a sawi angin rorêl hi kaihhruai a ni ang. 

10. UNIT TKP RORÊLNA:

Sawifiahna: Unit rorelna hi Unit member zawng zawng inpawlhona leh thil ngaihtuah tul a awma inhmuhkhawmna a ni. Kum khatah vawi khat tal neih tur a ni.

(a) Member te: 

(i) Unit TKP Office Bearers

(ii) Unit TKP member zawng zawng

(b) Ex-Officio Senior Advisers:

(i) Bialtu Pastor leh Probationary Pastor

         

(c) A tihtûr leh thuneihna:

(i) Hruaitu thlan hun a nihin Office Bearers leh Senior Adviser pakhat a thlang ang.

(ii) Unit rawngbâwlna report tul apiang a dawng ang.

(iii) Thalai rawngbâwlna ngaihtuah tul apiang a ngaihtuah ang.

11. BIAL TKP RORÊLNA:

Sawifiahna: Bial TKP rawngbâwlna leh tul awm apiang ngaihtuah tûrin kumtin rorêlna a awm ang a, chu chu Bial TKP rorêlna tih a ni ang. Bial TKP rorelna hi Bial chhûnga TKP rorelna sang ber a ni a, Bialtu Pastor hova neih tûr a ni. Bialtu Pastor a theih loh chuan Pastor/Minister dang sawma neih tûr a ni.

(1) Member te:

(a) Thlan ngai lo (Ex-Officio) member te:

(i) Bial TKP Office Bearers

(ii) Bial TKP Executive Committee Members

(iii) Unit TKP Office Bearers (Senior Adviser tel lovin)

(iv) Unit TKP Executive Committee Members

(v) MTKP Office Bearers leh Executive Committee member an bial chhunga awm te.

(b) Ex-Officio Senior Advisers:

(i) Bialtu Pastor leh Probationary Pastor.

(ii) Pastor Bial Secretary.

(c) Thlan member te:

(i) Unit TKP member sâwm (10) zêlah pakhat intirh theih a ni ang. Member 300 aia tam neite pawhin palai sawmthum (30) bâk an intir thei lo vang.

(2) A tihtur leh thuneihna:

(a) Hruaitu thlan kumin Office Bearers leh Senior Adviser pakhat a thlang ang.

(b) Bial TKP rawngbâwlna report a tul apiang a dawng ang.

(c) Sum hmuh dan leh hmanna a ngaihtuah ang.

(d) Thalai rawngbawlna ngaihtuah tur tul apiang a ngaihtuah ang.

(e) Plan leh Budget a siam ang a, Pastor Bial Executive Committee-ah pawmpui turin a thlen ang.

(3) Thu thehlut theite:

(a) Mizoram TKP 

(b) Bial TKP Executive Committee.

(c) Unit TKP 

(d) Pastor Bial leh a hnuai a committee te

12. MIZORAM THALAI KRISTIAN PÂWL RORÊLNA:

Sawifiahna: TKP rawngbâwlna leh thil tul dangte ngaihtuah tûrin kumtin rorêlna a awm ang a, chu chu Mizoram Thalai Kristian Pawl (MTKP) rorêlna tih a ni ang. He rorelna hi TKP rorelna sang ber a ni.

(1) Member-te:

(a) Thlan ngai lo (Ex-Officio) member te:

(i) Mizoram TKP Office Bearers

(iii) Mizoram TKP Executive Committee Members.

(b) Ex-Officio Senior Advisers:

(i) General Secretary

(ii) Associate General Secretary-te

(iii) Director, Fellowship Organisations Department.

(c) Thlan member te:

(i) Unit TKP aiawh palai pakhat (1), Unit TKP Executive Committee-in a thlang ang.

(ii) Bial TKP aiawh palai pahnih (2), Bial TKP Executive Committee-in a thlang ang.

(d) Palai dang tel theih dan:

Kohhran pâwl dang emaw BCM hnuaia thawktute atanga palai lokalte rorelnaa an tel theihdan tur chu hruaituten an ngaihtuah thin ang. 

(2) A tihtur leh thuneihna:-

(a) Hruaitu thlan kumin Office Bearers leh Senior Adviser pakhat a thlang ang.

(b) MTKP leh Bial TKP rawngbâwlna report a tul apiang a dawng ang.

(c) Inkhâwmpui leh rorelna neih dan tur a ngaihtuah ang.

(d) Sum hmuh dan tûr leh hman dân tûrte a ngaihtuah ang.

(e) FOD Committee-in budget ceiling a siamsak chhungah Plan leh Budget a siam ang.

(f) Thalai rawngbâwlna a tul apiang a ngaihtuah ang.

(3) Thu thehlut thei-te:

(a) Mizoram TKP Executive Committee

(b) Bial TKP 

(c) BCM Assembly leh Assembly hnuaia Committee hrang hrang te.