BUNG 1-NA

BUNG – 1

1. PAWL HMING:

He pâwl hi THALAI KRISTIAN PÂWL, a lamtawiin T.K.P tih a ni ang. Pâwl pumpui huap hmingah Mizoram Thalai Kristian Pâwl (MTKP) tih a ni ang a, Bial leh Unit te chuan Bial leh Unit hming a pu ang.

Pawl hming ziak dan pawh hetiang hi a ni ang :

(1) Unit-ah chuan Pawl hming dah hmasak tur a ni

Hetiangin – TKP Pukpui Unit

(2) Bial-ah pawh Pawl hming dah hmasak tur a ni

Hetiangin – TKP Zotlang Pastor Bial

(3) Rampum-ah chuan Mizoram dah hmasak tur a ni

      Hetiangin – Mizoram TKP (or a lam tawiin MTKP)

2. TKP DIN CHHAN:  

TKP din chhan ber chu thalaite hi:

(1) Kristian tha tak ni tûra buatsaih.

(2) Krista leh Kohhran tâna thawk tûra buatsaih.

(3) Khawtlâng tâna mi tangkai ni tûra fuih leh kaihhruai.

(4) Pathian ram zau nâna inhmantîr.

3. TKP THUTIAM:

TKP hian thutiam a nei a, hetiangin:

KRISTA LEH KOHHRAN TÂN

Ka chakna Isua Krista chu ring tlatin,

nitin Pathian ka pâwl ang a,

Kan Kohhran Pathian biakna leh

hnathawhnaah ka tel zêl ang.

Khawtlâng thatna leh inunauna

tinghet tûrin ka thawk ang a,

Krista hnênah mi dangte hruai

ka tum tlat ang.