BUNG 5-NA

BUNG – 5

7. HRUAITUTE:

Sawifiahna: Hruaitute tih hian Office Bearers te leh Executive Committee Members te a huap a ni. Unit TKP, Bial TKP leh Mizoram TKP ah te chuan hruaitu an awm ang a, hêngte hi an hruaitute an ni ang.

(1) Office Bearer te: Office Bearer te chu hengte hi an ni -

(a) President

(b) Vice President

(c) Secretary (MTKP ah chuan Organiser chu Secretary a ni ang)

(d) Assistant Secretary.

(e) Treasurer

(f) Finance Secretary

(g) Senior Advisers.

(2) Executive Committee member te: Inkaihhruaina-in a sawi angin Office Bearers meetingin Executive Committee members tur a ruat thin ang.

(3) Hruaitu tan hun chhung:

(a) Unit TKP ah chuan hruaitu-a tan hun chhung (term) chu kumkhat a ni ang. Mi pakhatin a zawnin Office Bearer-a nihna (Post) ngai kum hnih (2) bak a chelh thei lovang. Nihna dangah erawh chuan thlan theih a ni ang.

(b) Bial hruaitu-a tan hun chhung (Term) chu kum hnih (2) a ni ang a. Mi pakhatin a zawnin Office Bearer-a nihna (post) ngai term hnih aia tam a chelh thei lovang. Nihna dangah erawh chuan thlan theih a ni ang.

(c) MTKP hruaitu-a tan hun chhung (Term) chu kum thum (3) a ni ang a. Mi pakhatin a zawnin Office Bearer-a nihna (post) ngai term hnih aia tam a chelh thei lovang. Nihna dangah erawh chuan thlan theih a ni ang.

(d) Mizoram TKP Organiser Term chu kum 3 a ni a, mi pakhatin a zawnin term hnih aia tam a chelh thei lovang. 

(e) Senior Adviser te chuan  a zawnin term hnih aia tam an chelh thei lovang. Hei hian unit a huam lovang.