BUNG 6-NA

BUNG – 6

8. HRUAITUTE TIHTUR LEH MAWHPHURHNA: 

Unit, Bial leh Mizoram TKP a hruaitute tihtûr leh mawhphurhna tlângpui a hnuaia mi ang hi a ni ang:

(1) President:

(a) Hruaitu ber chan a chang ang a, rorel a kaihruai thin ang.

(b) Rawngbâwlna leh thiltihna-a chanvo neite thiltih dân a enpui thîn ang.

(c) Rorêl umzui dânte a tul angin a enpui thîn ang.

(d) Unit TKP President chu a nihna avangin Tualchhung Worship and Music Committee-ah Ex-Officio member a ni ang.

(e) Bial TKP President chu a nihna avangin Bial rorelnaah leh Bial Worship and Music Committee-ah Ex-Officio member a ni ang.  

(f) MTKP President chu a nihna avangin FOD Committee member a ni ang.

(2) Vice President: 

(a) President a awm lohvin a ai a awh thîn ang.

(b) President tanpui a ngaih hun apiangin a tanpui thîn ang.

(c) Unit-ah chuan Programme Committee Chairman a ni ang.

(3) Secretary:

(a) President râwnin Committee meeting a ko thîn ang.

(b) Rorêl umzui ngai apiang a umzui ang.

(c) Rorêlna leh Meeting–ah report a pe thîn ang.

(d) Pâwl thiltih dân enin hmasâwnna tûr kawng a ngaihtuah thîn ang.

(e) Agenda a buatsaih thîn ang.

(f) Organiser MTKP chuan Constitution leh Rules-in a sawi angin a thawk ang.

(g) Bial TKP Secretary chu a nihna avangin Bial rorelnaah leh Bial Mission Committee-ah te Ex-Officio member a ni ang. 

(4) Assistant Secretary:

(a) Secretary awm lohvin a ai a awh thîn ang.

(b) Minute a ziak thîn ang.

(c) Secretary a tanpui thîn ang.

(d) Unit-ah chuan member hming bu leh Record bu a vawng ang.

(e) Bialah chuan record bu a vawng ang.

(5) Treasurer:

(a) Pâwl pawisa hmuh leh hmanna a ziak fel ang a, Voucher/Memo nên a vawng ang.

(b) Rorêlnaah sum dinhmun a report thîn ang.

(c) Kum tâwpah leh eng hun pawha Audit theih tûrin Account fel takin a vawng ang.

(6) Finance Secretary:

(a) Pawisa lût zawng zawng a dawngin Receipt a pe ang a, Account bu-ah a ziak lût ang.

(b) A pawisa dawn chu a hma thei ang berin Treasurer hnênah a pe lût ang.

(c) Kum tâwpah leh eng hun pawha Audit theih tûrin Account fel takin a vawng ang.

(7) Senior Advisers:

(a) Remruatpuitu leh BCM Constitution leh Rules kalh lova thurawn petu a ni.

(b) Rorêlnaah pakhat tal an tel tûr a ni a, a tel lo chuan rorêl theih a ni lo vang. Senior Adviser an awm lohvin thil tul bikah chuan Kohhran puipa nghet zînga mi sâwm theih a ni ang.

(8) Executive Committee Members:

(a) Rorelnaah a tel ngei tur a ni a, rokhawlhna avanga a tel theih dawn loh chuan Secretary emaw hruaitu dang hnenah a sawi thin tur a ni.

(b) Rorelnaah Agenda a thehlut thei ang.

(c) Rorelna-in tihtur a ruatsak te a ti thin ang.

(9) Mizoram TKP Organiser:

MTKP Organiser chu Full time-a thawk tura Pastoral Committee-in a ruat a ni a. A hnathawh tur leh mawhphurhna pawh hetiang hi a ni :

(a) MTKP enkawltu Fellowship Organisations Department Committee hnuaiah a thawk ang.

(b) MTKP leh Assembly hnuaia Committee ten thawh tur an pek apiang a thawk ang.

(c) MTKP-ah Secretary hna a thawk ang.

(d) Kum tin MTKP rawngbawl dan report a ziak ang a, amah enkawltu Director hnenah a thehlut thin ang.

(e) MTKP-te thlarau lam nun tiharh tur leh tichak turin a thawk ang.

(f) Unit leh Bial TKP-te a tlawh thin ang.

(g) Unit leh Bial TKP te nen an indawr thin ang.

(h) Bial nena indawr tawnna leh rawngbawlna-ah Bialtu Pastor zai ngaiin a thawk ang.

(i) MTKP dinchhan leh thutiam tipuitling thei zawngin programme a siam thin ang.

(j) MTKP Rorel Agenda leh Executive Committee Agenda a buatsaih thin ang.

(k) Minute ziak felin a umzui thin ang.

(l) MTKP record a vawng ang.

(m) Unit leh Bial (TKP) Executive Committee-ah Ex-Officio member a ni ang.

(n) A hnathawh avangin Assembly, Assembly Executive Committee, Central Committee, Mission Board, Fellowship Organisations Committee, Worship & Music Committee leh Revival & Evangelism Committee-ah te member a ni ang.