BUNG 3-NA

BUNG – 3

5. TKP MEMBER NIH DAN:

Mizoram Baptist Kohhrana thalai kum 14 atanga kum 40 chin chu member an ni thei ang. Member hi kum tin chhiar that thin tur a ni ang a, membership fee a awm lovang. A hnuaia tarlan ang hian member chi hnih an awm ang:

(1) Member puitling (Full member): Thalai kum 14 atanga kum 40 chin, Baptisma chang tawh.

(a) Member nghet: Tualchhung Kohhranin member puitling atana a lawmluh, bawrhbanna nei lote an ni.

(b) Member nghet lo: Sawrkar hnathawk, lehkha zir leh thil dang avanga hun engemawti chhung atana member-a inpe te an ni.

(2) Member puitling lo (Associate Member) : Thalai kum 14 atanga kum 40 chin, thunun lai leh Baptisma la chang lote. Associate member te hi hruaitu atan thlan theih an ni lovang a, inthlannaah vote an nei thei lovang a, rawngbawlna langsarah hman a remlo bawk ang.