BUNG 8-NA

BUNG – 8

13. COMMITTEE: 

Sawifiahna: Thalai Kristian Pâwl kal dân a fel zâwk theih nân leh rorêl leh rorêl inkâra ngaihtuah tul apiang ngaihtuah tûrin Committee a awm ang a, a hmingah chuan Executive Committee tih a ni ang. Unit, Bial leh Mizoram ten Committee hmingah an pu nghal ang.

14. UNIT TKP EXECUTIVE COMMITTEE:

Sawifiahna: Unit TKP kal dan a fel zawk nan leh rawngbawlna hrang hrangte ngaihtuah turin Committee a awm ang a, a hmingah Unit TKP Executive Committee tih a ni ang.

(1) Member-te: 

(a) Thlan ngai lo (Ex-Officio) member-te:- 

(i) Unit TKP Office Bearers

(ii) MTKP Office Bearers leh Executive Committee members an awmna Unit-ah 

(b) Ex-Officio Senior Advisers: 

(i) Bialtu Pastor leh Probationary Pastor

(c) Thlan member-te:

Unit TKP Office Bearers ten kum khat atan Executive Committee Member ni tûrin mi sawm leh panga (15) aia tam lo a thlang ang.

(2) A tihtur leh thuneihna:

(a) Inkaihhruaina ang zelin hma a la ang.

(b) Unit TKP rorelnain tihtur a pek apiang a umzui ang.

(c) Unit TKP rawngbawlna report tul apiang a dawng ang.

(d) Hun laklawha Puipa (OB) inthlan tulna a lo awm chuan a thlang ang. Thlantlin chuan amah thlan ni atanga Term chanve aia tam a la neih chuan Term khat chelh anga ngaih tur a ni. Thlantlin anih atanga Term chanve aia tlem hman tur a neih erawh chuan term khat chelh-a chhiarsak tur a ni lovang.

(e) Plan leh Budget a siam ang a, Tualchhûng Kohhranah pawmpui tûrin a thehlût ang.

(f) MTKP rorelnaa palai tûr pakhat a thlang ang.

(g) Bial TKP rorelnaa palai tûr a thlang ang.

(h) Sum hmuhna leh hmanna a ngaihtuah ang.

(i) A tul angin Unit TKP chu Group hrang hrangah a then thei ang a, an hmalakna a enpui thin ang.

(j) Evangelical Cell hi tul a tih chuan  a din ang.

(k) Audit Report a dawng thin ang.

(l) Tualchhung Mission Committee member tur pakhat, kum hnih term atan a thlang ang.

(m) Hun laklawha Executive Committee, Programme Committee leh Sub-Committee dang pawh member ruat ngai a awm chuan a ruat thin ang.

(3) Thu thehlut thei-te: 

(a) Mizoram TKP 

(b) Bial TKP 

(c) Tualchhûng Kohhran leh Kohhran hnuaia Committee hrang hrangte. 

(d) Committee member te.

(e) Unit Programme Committee

(f) Evangelical Cell leh Sub-Committee dangte.

15. UNIT TKP PROGRAMME COMMITTEE:

Sawifiahna: Unit TKP in Pathian biak inkhâwm te, Inpawlhona leh Programme dang a neihte lo ruahmana, Programme lo siam tûrin Committee a awm ang a, a hmingah chuan Unit TKP Programme Committee tih a ni ang.

(1) Hruaitute: Hengte hi Unit TKP Programme Committee hruaitute an ni ang.

(a) Chairman

(b) Vice Chairman

(c) Secretary.

(d) Assistant Secretary

(2) Thlan ngai lo (Ex-Officio) member-te: 

(a) Unit TKP President

(b) Unit TKP Secretary

(c) Unit TKP Senior Advisers

(3) Thlan member te:

Unit TKP Office Bearers meeting-in kum khat atan member tur tul a tihzat a thlang ang.

(4) Hruaitute thlan dan tur : 

(a) Unit TKP Vice President apiang chu Unit TKP Programme Committee Chairman a ni ang.

(b) Vice Chairman, Secretary leh Assistant Secretary te chu Programme Committee member ten an meeting hmasa berah anmahni zing atangin an thlang ang.

(5) A tihtur leh thuneihna:

(a) Unit TKP inkhawm programme a siam thin ang.

(b) Unit TKP inpawlhona leh intihharhna lam tul a tih angin a buatsaih thin ang.

(c) Unit TKP Rorelna leh Executive Committee-in ti tura a tih apiang a ti thin ang.

(6) Thu thehlut thei-te: 

(a) Unit TKP 

(b) Unit TKP member-te.

16. EVANGELICAL CELL COMMITTEE:

Sawifiahna:- Unit TKP-in Evangelical Cell hi tul a tih chuan a din thei ang. An Unit huam chhunga Piangthar lo te, hnungtawlh te, sual bawiha tang mek te, Kohhran programme thleng phalo te chhanchhuah hnathawk tura din a ni.

(1) Hruaitute:-

Hengte hi Evangelical Cell Committee hruaitute an ni ang:

(i) Chairman

(ii) Vice Chairman

(iii) Secretary

(iv) Asst Secretary.

(2) Hruaitute thlan dan:

(i) Unit TKP Office Bearer Meeting-in Chairman leh Secretary tur a ruat ang.

(ii) Vice Chairman leh Assistant Secretary tur chu Evangelical Cell Committee hmasa berah Committee member ten anmahni zing atangin an thlang ang.

(3) Thlan ngailo (Ex-Officio) member:

(i) Unit TKP President

(ii) Unit TKP Secretary.

(iii) Senior Advisers.

(4) Thlan member te:

Unit TKP Executive Committee-in kumkhat atan member tur tul a tihzat a thlang ang.

(5) A tihtur leh thuneihna:

(a) Piangthar lo leh hnungtawlhte Krista hnena hruai.

(b) Sual bawiha tang mekte chhanchhuah hna thawh.

(c) Kohhran leh TKP Programme thleng phalo ten an thlen theih nan hma an la ang.

(d) Tawngtai thiltihtheihna lanchhuahtir.

(e) Unit TKP-ah rawngbawlna a report thin ang.

(f) Unit TKP thu leh hla a ngaichang thin ang.

(g) Kohhran leh Unit TKP Programme tibuai lo zawngin hma a la ang.

17. BIAL TKP EXECUTIVE COMMITTEE:

Sawifiahna: Thalai Kristian Pawl kal dan a fel zawk theih nan leh rorel leh rorel inkara ngaihtuah tul apiang ngaihtuah turin Committee a awm ang a, a hmingah chuan Bial TKP Executive Committee tih ani ang.

(1) Member te:

(a) Thlan ngai lo (Ex-Officio) member-te:

(i) Bial TKP Office Bearers

(ii) MTKP Office Bearers leh Executive Committee member te (an awmna bialah) 

(b) Ex-Officio Senior Advisers:

(i) Bialtu Pastor leh Probationary Pastor

(ii) Pastor Bial Secretary

(c) Thlan member te:

Bial TKP Office Bearers-ten kum hnih (2) atan Executive Committee Member tur mi sawm leh panga (15) aia tam lo a thlang ang.

(2) A tihtur leh thuneihna:

(a) Inkaihhruaina ang zelin hma a la ang.

(b) Bial TKP rorelnain tihtur a pek apiang a umzui ang.

(c) Bial TKP rawngbawlna report tul apiang a dawng ang.

(d) Hun laklawha Puipa (OB) inthlan tulna a lo awm chuan a thlang ang. Thlantlin chuan amah thlan ni atanga Term chanve aia tam a la neih chuan Term khat chelh anga ngaih tur a ni. Thlantlin anih atanga Term chanve aia tlem hman tur a neih erawh chuan term khat chelha chiarsak tur a ni lovang

(e) Pastor Bial rorelna leh Bial Executive Committee-ah thu a thehlut thei ang.

(f) MTKP Rorelnaah thu a thehlut thei ang.

(g) MTKP rorelnaa palai tûr mi pahnih a thlang ang.

(h) Bial TKP inkhawmpui leh rorelna hun leh hmun tur a ngaihtuah thin ang.

(i) Bial TKP Inkhawmpui leh rorel a fel zawk theih nan a tul angin hma a la ang, inkhawmpui  programme pawh a siam ang.

(j) Audit Report a dawng thin ang.

(k) Hun laklawha Executive Committee member ruat ngai a awm chuan a ruat thin ang.

(3) Thu thehlut theite: 

(a) Mizoram TKP 

(b) Bial TKP

(c) Unit TKP

(d) Committee member te.

(e) Pastor Bial leh a hnuaia Committee hrang hrang te.

(f) Thil tul bikah chuan President leh Secretary te inrawnin thu ngaihtuah theih a ni ang.

18. MIZORAM TKP EXECUTIVE COMMITTEE:

Sawifiahna:Thalai Kristian Pawl kal dan a fel zawk theih nan leh rorel leh rorel inkara ngaihtuah tul apiang ngaihtuah turin Committee a awm ang a, a hmingah MTKP Executive Committee tih a ni ang.

(1) Member-te:

(a) Thlan ngai lo member-te:

(i) Mizoram TKP Office Bearers.

(b) Ex-Officio Senior Advisers:

(i) General Secretary.

(ii) Director, Fellowship Organization Department.

(c) Thlan member te:

MTKP Office Bearers ten term khat (kum thum) atan Executive Committee Member tur mi sawmhnih (20) aia tam lo a thlang ang.

(2) A tihtur leh thuneihnate:

(a) Inkaihhruaina tihlawhtling tûrin hma a la ang.

(b) Mizoram TKP rorelnain tihtur a pek apiang a umzui ang.

(c) Mizoram TKP Inkhawmpui leh rorel a fel zawk theih nan a tul angin hma a la ang a, inkhawmpui programme pawh a siam thin ang.

(d) Hun laklawha Puipa (OB) inthlan tulna a lo awm chuan a thlang ang. Thlantlin chuan amah thlan ni atanga Term chanve aia tam a la neih chuan Term khat chelh anga ngaih tur a ni. Thlantlin anih atanga Term chanve aia tlem hman tur a neih erawh chuan term khat chelha chiarsak tur a ni lovang.

(e) Bial TKP rawngbawlna report tul apiang a dawng ang.

(f) Mizoram TKP rorelna leh inkhawmpuina hun leh hmun tur a ngaihtuah ang.

(g) Thalai Entu Editorial Board a enkawl ang a, a mawhphurtu turte kum thum atan a thlang thin ang.

(h) BCM Assembly-a Palai tur member pakhat a thlang ang.

(i) FOD Committee member tur pakhat a thlang thin ang.

(j) Hun laklawha Executive Committee member ruat ngai a awm chuan a ruat thin ang.

(3) Thu thehlut theite: 

(a) Mizoram TKP 

(b) Bial TKP 

(c) Thalai Entu Editorial Board

(d) Committee member te

(e) BCM Assembly leh Assembly hnuaia Committee hrang hrang te.

(f) Heng bakah thil tul bik chu President leh Secretary te remtihnain ngaihtuah theih a ni ang.

19. THALAI ENTU EDITORIAL BOARD:

Sawifiahna: TKP ten chanchin kan inhriat tawnna leh thu leh hla tha kan inhrilhna MTKP Chanchinbu (Official Organ) Thalai Entu tha taka chhuah a nih theih nan Thalai Entu Editorial Board a awm ang. He Board hi MTKP Executive Committee hnuaia Sub – Committee a ni ang.

(1) Editorial Board Member te:

(a) Editor

(b) Joint Editors (Mi pahnih)

(c) Circulation Manager

(d) Circulation Staff (Pathum)

(2) Thlan ngailo member:

(a) President, MTKP.

(b) MTKP Organiser (Circulation Manager a ni nghal ang)

(3) Thlan member:

(a) Editor leh Joint Editor pahnihte hi MTKP Executive Committee in a thlang ang.

(b) Circulation Staff turte hi Lunglei, Aizawl leh Lawngtlai lama mi pakhat theuh thlan tur a ni ang a, Editorial Board-in an thutkhawm hmasak berah an thlang ang.

(4) Member nih hun chhung: Member nih hun chhung hi kum thum (3) a ni ang a, a ngai pawh thlan nawn theih a ni ang.

(5) Editorial Board Member te hna chanpual:

(a) Editor: Thla tin tha taka chanchinbu chhuah a nih theih nan thu leh hla lak khawm lama mawhphurtu ber a ni ang a, Editorial Board–ah Secretary a ni ang.

(b) Joint Editor te: Editor puih a ngaih hun apianga tanpuitu an ni ang. Editor remchan loh hunah chanchinbu enkawl hna an thawk ang.

(c) Circulation Manager: Editorial Board-ah Chairman a ni ang a, Chanchinbu hmasawnna kawngah theihtawp a chhuah ang a, hmun hrang hranga semdarh thuah mawhphurtu ber a ni ang. Account  a vawng ang a, MTKP Rorelnaah Audited Statement a pharh thin ang.

(d) Circulation Staff: Lungleia mi chuan hmun hrang hranga semdarh thu ah Circulation Manager a pui ang a, Aizawl leh Lawngtlaia mite chuan anmahni area-a chanchinbu semdarhna kawngah mawh an phur ang.