THUHMAHRUAI & PREAMBLE

THUHMAHRUAI

Thalai Kristian Pawl Ramzotlang Unit hi 2nd April, 2004 (Zirtawpni)-ah din a ni. TKP hi Krista leh Kohhran tana ding anih angina TKP Ramzotlang Unit pawh hi Kohhran kutke ni tur leh Kohhran Lu, Isua Krista tana din a ni. TKP Ramzotlang Unit-ah hian kan Kohhran member ni kher lo pawh member nih theih a ni.

Mizoram Baptist Kohhran mission statement chu ‘Pathian ram a lo zauva, a lo ngheh a, a lo lanfiah deuh deuh theihna turin’ tih a nih angin TKP Ramzotlang Unit hian Pathian ram a lo zauva, a lo ngheh a, a lo lanfiah deuh deuh theihna tura chak zawk leh hlawk zawka hma a lak theih nan he TKP manual hi buatsaih a ni.

He Manual-ah hian inkaihhruaina pawimawh zawng zawng a kim lovang tih hriatsa a ni. Manual-a inkaihhruaina kenkawh thuah leh hemi baka Unit TKP kalphung leh tihdan chungchangah Unit TKP Executive Committee chu thutawp neitu a ni ang.

BUL TANNA (PREAMBLE)

1.	Mizoram TKP, Bial TKP, Tualchhung Kohhran, Bial leh BCM atanga rawngbawlna ti tura min beiseite tihhlawhtlin ngei a tum ang.
2.	TKP member huap kim thei ang ber turin hma a la ang.
3.	Kan Kohhran leh khawtlanga pawl hrang hrangte nen thawh hona tha neih a tum ang.
4.	TKP memberte Pathian fakna leh chibai bukna kawnga hma kan sawn zel theih nan hma a la ang.
5.	Thalaite Mission rawngbawlna lamah hma kan sawn theih nan hma a la ang.
6.	Kan thalai pui, la piangthar lote leh hnungtawlhte a tam thei ang ber Isua ke bula hruai a tum ang.